W padźe žarowanja ...

... trěbne kroki po puću ke chowanju

Hdyž lubowany čłowjek woteńdźe, steja zawostajeni před wulkimi, ale tež trěbnymi wužadanjemi.
Chcemy tute zhromadnje zmištrować.

W chwili, hdyž žarujeće wo lubeho čłowjeka, steja Wam čujo po boku. Mój poskitk “prěnje kroki” chce Wam być prěnja pomoc, zo baće w padźe žarowanja přehlad wobchowali a wotpowědne naprawy bjez problemow zahajili. Při wšitkich běrokratiskich formalitach kaž tež při organizowanju chowanja podpěram Was z trěbnej fachowej kompetencu. Chcu Wam pomhać, ćežki čas tak derje kaž móžno zmištrować, tak zo móžeće so w měrje rozžohnować a spominanje zachować.

Forma chowanja – wosobinski rozsud

Jako Waš wosobinski narěčenski partner steju Wam rady k dispoziciji, zo bych Was wobšěrnje wo formach chowanja, nadrobnosćach a móžnosćach wosebiteho indiwidualneho chowanja informowała. Přeprošuju Was wutrobnje, Waše prašenja rozrisać a z Wami ćežku, ale wosebitu naležnosć zhromadnje zmištrować.

Rozsud za chowanje, kotrež so hodźi, je rozsud, kotryž wot mnohich prašenjow a faktorow wotwisuje. Mamy wobkedźbować, kotra forma chowanja so najlěpje k wosobje a přećam zemrěteho čłowjeka hodźi. Tež přemyslowanja wo pohrjebnišću a formje rowa su wažne. Zhromadnje móžemy wo móžnosćach přichodneho hladanja rowa rozmyslować. Tute rozsudy su dźěl procesa, zo wotměje so dostojny a česćowny proces rozžohnowanja. Moje nazhonjenja a moje sobu začuća steja Wam k dispoziciji a móžeće tak prawy rozsud tworić.

Powšitkownje rozeznawamy mjez dwěmaj hłownymaj formomaj chowanja:

Zemske chowanje a chowanje popjelnicy. Při chowanju popjelnicy so zemrěty/a do chowanja spali. Popjeł hodźi so potom na wšelake wašnje pochować, za tym, kotre přeća je zemrěty/a měł/a a kak sej to swójba přeje.

• chowanje do zemje

• chowanje popjelnicy

• chowanje na morju/jězoru

• chowanje w lěsu / pod štomom